Wia dis foto come from, Getty Images
Tito Jackson wey be one of di original member of di Jackson 5 pop group
don die for di age of 70.
Tito Jackson na broda to di late pop star Michael Jackson.
Sadly, no official cause of death don dey determined yet
Tito bin perform for di ogbonge popular gathering wit brodas wey include Jackie, Jermaine, Marlon and Michael, wey die for 2009.
Bifor di tori of im death, Tito bin dey Munich to prepare for di performance wey di group dey due to give.
Steve Manning, wey be a long-time Jackson family friend and former manager for di Jackson family bin tell Entertainment Tonight say Tito Jackson die on Monday.
Di news dey confamed for one Instagram post by Jackson three sons, Taj, Taryll and TJ Jackson. Even di three sons demsef na R’n’B/pop artiste dem be, known as di 3T for di 1990s.