Xigashada Sawirka, Getty Images
BBC da ayaa waxay ka dalbatay Huw Edwards in uu soo celiyo lacag £200,000 taas oo uu u qaatay mushaar ahaan kadib markii la xiray bishii November ee sanadkii la soo dhaafay kadib eedeymo la xiiiray in uu ku xadgudbay caruur.
Barnaamij daadihiaha hore “si xun ayuu u dhaqmay” isaga oo iska sii watay in uu qaatay mushaarkiisa isaga oo ogaa waxa uu sameeyay, sidaas waxaa yiri madaxa BBC da Samir Shah oo soo saaray warqad.
Edwards oo horay u ahaa war aqriyaha ugu darajo sarreeya BBC da, ayaa sii qaadanayay mushaar muddo shan bilood ah kadib markii la xiray iyada oo lagu eedeeyay saddex dambi oo ah in uu masawiro anshax darro ah ay isla wadaageen caruur.
Waxaa laga mamnuucay shaqada bishii July waxaana la xiray afar biloodka dib xilligaas. Iskama uusan casilin shaqada BBC da ilaa bishii April.
Shah ayaa waxa uu sheegay in Edwards “uu ku noolaa laba nololood oo kala duwan” isaga oo ahaa qqofka wajiga u ah barnaamijyo badan sido kalana ahaa wartabiye aad loo jeclaa, balse “wuxuu qiyaanay aaminaadii ay aamineen shaqaalaha iyo dhagaystayaasha intaba”
Wuxuu sheegay in wariyuhu uu ahaa “dambiile” iyo in “dhibanayaashu ay yihiin caruurta uu dhaqan xumadiisa” suuqa uga dhex sameeyay.
Xigashada Sawirka, Getty Images
Edwards ayaa waxa uu qirtay bishii July in uu galay saddex dambi oo lagu soo eedeeyay oo la xiriiray in uu sawiro anshax darro ah la wadaagay caruur.
Dambiyadaan ayaa waxaa la sheegay in ay dhaceen intii u dhaxaysay sanadihii 2020 kii ilaa 2022 kii ayna ahaayeen is waydaarsiga 37 sawir oo la iskula wadaagay WhatsApp ka sida ay sheegeen booliska Metropolitan ka.
BBC du ma aysan sheegin in ay nidaam sharci ah la aadi doonto Edwards hadiii uu lacagta soo celin waayo.
Agaasimaha guud ee BBC da ayaa waxa uu sheegay todobaadkii la soo dhaafay isaga oo waraysi bixinayay in hay’addu ay ogeed qabashada Edwards iyo in loo haystay arrin aad u darran oo la xariira in caruur ay wadaageen sawiro anshax darro ah.
Waxaa la fahansan yahay in markii la xiray Edwards in BBC du ay isku dayday in ay ogaato in uu qiranayo in uu hayo sawiro nuucaas ah . Inkasta oo ay BBC du arrintaan su’aalo ka waydiisay hadana uma aysan suuragalin in ay xaqiiqdo ogaato.
War ay soo saaraan guddiga guud ee BBC da ayaa lagu sheegay in “ay taageereen go’aan uu qaatay agaasimaha guud iyo kooxdiisa xilligaas”.
Waxaa intaas lagu daray in Edwards uu ahaa mid si furan u hadlayay markii BBC du wax ka waydiisay xarigiisa, “marnaba ma aynaan sii wadneen in aan siino xoolaha dadwaynaha”.
“Waxa uu si cad hoos ugu eegay aaminaadii ay siisay BBC da waxa uuna oo soo hooyay sumcad darro”.
Warka ayaa sidoo kale lagu sheegay guddiga guud “waxay isku raaceen in cashiro laga barto xaaladdaan, ayna ka mid tahay in dib loo eego waxa BBC du ka yelayso mushaa siinta marka qofkalaga mamnuuco shaqada”.
Inkasta oo arrintani tahay noloshiisa gaarka ah quseysa, ayaa hadana “guddigu waxay aaminsan yihiin in dhacdooyinkan ay toosh ku ifiyeen in su’aalo la galiyo isu dheelitirka awoodda xarumaha shaqada”.
Dib u eegista dhaqanka goobta shaqada
BBC da ayaa waxay ku dhawaaqday dib u eegis cusub oo madax abannaan oo lagu eegayo dhaqanka ka jiro xafiisyada shaqada ee BBC da.
Xogo la xiriira dib u eegis lagu sameynayo huggaanka ayaa waxaa lagu dhawaaqi doonaa horraana bisha septemper.
Wasiirka dhaqanka ayaa waxa uu soo dhaweeyay dib u eegista iyada oo tiri “aaminaadda bulshada waa mid muhiim ah BBC da dhexdeeda”.
“Shaqaalaha BBC da waxay in ay amni ku dhex dareemaan goobta shaqada oo ay kalsooni ku dareemaan hadii cabasho aan la xiriirin warbixino ay soo gudbiyaan in si cadaalad ah loola macaamilo”.
BBC du waxay la xiriirtay qareenka Huw Edwards si uu wax uga yiraahdo arrintaan.